Aansuon ne sab mita diya...

A Keyrun Rao original

Sab yahin tha, kuchh bhi duur nahin
Tu nahin hai to kya, zara bata mujhe
Teri yaadein aur teri pyaari baatein
Aaj bhi jeeti hai, mujh mein hi kahin

Socha ki maine sab kuchh bhula diya
Meri aansuon ne saara dard mita diya
Yun soch ke pal woh maine bita diya
Sochta hoon aksar tune aisa kyun kiya

Badal gaya sab kuchh mera tere jaate hi
Phir bhi sab waisa hi hai teri khaatir hi
Poora nahin toote hain, mehak ab bhi hai
Dobara jee bhi lenge, tere waapas aate hi


Socha ki maine sab kuchh bhula diya
Meri aansuon ne saara dard mita diya
Khud ko kuchh pal aur yun behlaa liya
Kyun maine apne saath ye mazaak kiya

Raaste badle, manzilein bhi dhoondh li
Phir kyun mujhe bas tu hi dikhaayi di
Zindagi se pyaar hai, par maut chun li  
Bataa ae khuda, sazaa mujhe kyun di


Socha ki maine sab kuchh bhula diya
Meri aansuon ne saara dard mita diya
Maine kuchh bura to zaroor hi hai kiya
Bin tere kaise rahoonga main oh piya

Kya daud lagaayi...

A Keyrun Rao Original, dedicated to Tigmanshu Dhulia's film, Paan Singh Tomar and Irrfan Khan.

Bhaagte sab hain, wo akela dauda tha

Bhind ki shaan, ek baawla modha tha

Zindagi ki kya baat karein uski hum 

Usne maut ko bhi peeche chhoda tha

Wo apne rishton ke liye daudta raha

Phir bhi aakhir mein tanha kyun raha?
Finishing line pe nazar thi uski shayad
Aakhir mein kuchh bhi baaqi na raha

Aasmaan ko jisne chooma tha kabhi
Uska khoon mitti mein jam ke rah gaya
Taare rehte they jin aankhon mein kabhi
Un mein kaala ghana andhera reh gaya

Kya daud lagayi tumne Paan Singh Tomar
Itihaas ke pannon mein rahoge ajar amar
Tumhaari kahaani sun ke bada bura laga
Insaaf milega tumhe toh us Khuda ke ghar

Ek khwaab ki tarah...

A Keyrun Rao Original...

Jaise baadal koi takraaya ho yun pahaad se,
Ya shaayad Khuda mila gaya ho faqeer se
Jaise sardi mein kahin rehti dhoop ke jaise
Kya kahoon mujh mein toh tu hi hai waise

Ek khwaab ki tarah jeeti hai, kho jaati hai
Kisi dua ki tarah milti hai, tham bhi jaati hai
Aayat ki tarah, jaane kaise raas bhi aati hai
Mausam ki tarah woh chali bhi toh jaati hai

Jaise dua ho kisi faqir ki ya jaane kuchh aur
Kuchh toh ab bhi kehte hain guzar gaya daur
Dard to aaj bhi mujh mein utha hai waisa hi
Kya bas chuka hai tere bhi dil mein koi aur?

Chaand ki tarah milti hai, chhup bhi jaati hai
Aasmaani chaadaron mein, rehti kahaan hai?
Chal do baatein karein, dhadkanein baant lein
Bas itna bata de, tera woh jahaan kahaan hai?

Ek khwaab ke jaise mehakti hai, kho jaati hai
Paas aakar bhi jaane kahaan wo chali jaati hai
Khushboo ki tarah, rooh mein wo bhar jaati hai
Saaye ki tarah humein har pal wo yaad aati hai

Jaise khat ho puraana aur woh sandesa yaad hai
Kuchh to ab tum bhi likh dete, bahaana aur hi hai
Suqoon nahin mila mujhe, wo zakhm toh aur hai
Mera is qadar rona, baat saali kuchh aur hi hai 

Woh zameen aur thi

A humble dedication from Keyrun Rao to His God...

Chaand jam ke chamka tha, taaron ki baat kuchh aur thi

Teri panaah mein jeete they, bin tere woh raat aur hi thi

Teri yaad mein rahe ek hum, wo kuchh aur hi raat thi 

Itney akeley tab bhi na they, tab teri baat hi kuchh aur thi

Tham gayi teri meethi roshni, na rahi teri koi bhi justajoo

Yun laga jaise kisi marti jaan mein paaye tere rang-o-boo

Daud jaa duur mujhse, aur main tujhse ab kya kahoon

Aur kitne sher, daastaanein kitni main tere naam likhoon?

Maut badi asaan hai, teri yaadein to bichhad jaati hain

Tere jaane ke baad bhi, teri adaayein yaad aa jaati hain

Tujhse pehle suqoon tha, ab mujh mein na koi junoon hai

Taaron bin falak, na dhadkan mein koi bhi saansein hain

Chaand jam ke chamka tha, taaron ki baat kuchh aur thi

Bina koi bhi sawaal kiye, jab tum  mere hi saath mein thi

Kuchh bikhrey, thode se simtey, ek alag si hi woh raat thi

Jis din suna tha mujhe tuney, teri toh kuchh aur hi baat thi

Sab ruk gaya hai aaj ke din, kaise jiyoon main ab tere bin
Kitni raatein meri beeteingi, bataa yeh chamkiley taare gin
Thoda ab tu bhi jee ley, mehsoos kar woh saare raat-o-din
Jab tha main tanhaa naachaa, kaise yun tak dhina dhin dhin

Kahaani adhoori reh gayi...

A Keyrun Rao Original, humbly dedicated to Sujoy Ghosh's Kahaani.

Ek kal dekha tha, saath mein tere,
Naya pal na socha, kabhi bin tere,
Tanha raatein, mayoos subah hai,
Bataa de kyon hai tere itne chehre?

Sab ruk gaya, main to bujh gaya,
Kyun is tarah se tu yun kho gaya?
Kahaani adhoori, hum bhi adhoore
Rooh pe bas tera saaya ab reh gaya.

Ek zindagi pal rahi hai mujh mein
Aur main dhal rahi hoon tujh mein
Jee lene de humein, ab mil ja kahin
Soyega to tu bhi humare qabr mein

Kyun khafaa hai bas itna hi bata de
Bina tere jeene ki yun na sazaa de
Kahaani adhoori, hum bhi adhoore
Marr chale hain, ab jaldi se jaga de

Kaise khatm kar dein hum ye silsila
Sochte hain humein tu kyun tha mila
Tanha bhi jee hi liya karte they hum
Jaane tujhe hai meri kis baat ka gila?

Kab tak yun chhupe rahoge Arnab
Lut jaaoge saari khushiyon se jab?
Dekhta hai sab hi kuchh woh rab
Tum jaanoge is bewafaai  ka sabab.

Zindagi se to maut bhali

A Keyrun Rao Original, inspired by RGV's Satya.

Thoda sa jeete hain, marte zyaada hain,
Dhadkan badh gayi, saansein kam hain,
Hisaab samajhe nahin, hum kahaan hain?
Jalte-bujhte hain, Sote-jagte bhi hain,

Jaane meri ye dastaan kahaan hai chali
Hamesha lagta hai, zindagi se maut bhali
Veeran sehra mein, ek pyaari kali khili
Meri muskaan jaane kyun ab bhi dhali

Thoda ishq hai, ranjishein to zyaada hain
Gham behisaab, khushiyaan kahaan hain?
Behisaab chehron mein, hum khaan hain?
Bikhre rehte hain, kabhi jud bhi jaate hain

Yaqeen kiska hai, sab hi to paraaye hain
Suqoon ki talaash mein khoyi raahe hain
Apna kaun hai, saare hi toh paraaye hain
Koi samajhta nahin, jo mere ishaare hain


Jaane meri ye dastaan kahaan hai chali
Hamesha lagta hai, zindagi se maut bhali
Ek faqeeran jaane kaise mujhe yun mili
Uske ishq mein meri jawaani yun hai jali

The first time I saw you smile...

A Keyrun Rao Original, dedicated to Gautham Menon's VTV

I didn't know about the magic of being in love

All I knew was that it was an awesome feeling 

I wanted to wake up to, every day of my life

It's you who showed me how it is, to be in love

I was a different person, without any damn style

That was only till, the first time I saw you smile

You changed me, without me even noticing it

 Our world view may be distant more than a mile

With you around, it all seemed so damn beautiful

The sun looked so pleasant, moon seemed magical

Every moment with you inspired another poetry
Don't know why, it was like some divine miracle

Wish you were still around, memories still abound
Your sight and your fragrance are still all over me
Everything seems meaningless, still miss you a lot
You are the sky I look upto, that's what I've found

Flowers had another fragrance, stars were brighter
When you were close by me, life was oh so stellar
Days left me spellbound, nights were so much shinier
Could I even dream be your knight in shining armour

The world looked different, happiness was all over
Now that it's a closed chapter, nothing is like it was
The wish to be awake again seems to be gone far
I know this for sure, won't be able to forget you ever!