Thursday, June 5, 2014

Taaron ki jamaad bann gayi...



A Keyrun Rao Original.










Tum bheed se bas nikle hi they shaayad
Har roz meri nayi kahaani bann gayi
Ek din tum jo zaraa jamm ke chamke
Saari hi qaaynaat ab sharaabi bann gayi

Ab toh taaron ki jamaad bann gayi hai
Aasmaan  aaj sharaab bann gaya hai
Ek ghoont tum utaar kar dekho saaqi
Sawaal  bhi aaj jawaab bann gaya hai

Dekha tha bas kuchh pal ke liye tujhko
Teri aankhein ab meri jaan bann gayi
Tujhsa dekha nahin hai aur koi maine
Teri raahein ab meri toofaan bann gayi

Saans lo kuchh aur pal, aur thoda jee lo
Tere hone ki baat nahin bachi shaayad
Koi meethi si baat aaj tum bhi kar lo
Sard lamhe aaj mere bhi yaad kar lo

Tum bheed bas nikle hi they shaayad
Har roz jaisi meri kahaani bann gayi
Teri muskaan itni pyaari thi kya kahoon
Ab mere jeevan ki nishaani bann gayi