A Keyrun Rao original
Akelepan ki aadat pad si gayi thi
Bartan bhi dhoney laga tha main
Dhuley kapde sookhte nahin they
Kuchh pareshaan ho chala tha main
Tum se mila tha ek din kuchh pal
Baarish toh kahin hui nahin thi
Bheeg gaya tha tere pyaar mein
Kahin kisi ki saazish toh nahin thi
Main toh dhuein se baatein karta
Thoda jee leta aur thoda sa marta
Tujhse baat jab kiya maine toh laga
Main toh tujh se bahut pyaar karta
Tum se mila tha ek din kuchh pal ko
Dhuan toh dekha tha maine bhi us din
Taare toote, khwaab bhi huwe poore
Kya jaane kyon kaise jiya tere bin
Ab toh yeh raat ho gayi kitni andheri
Bina tere kyon mujhe lagey adhoori
Chhoo le mujhe saanson se meri jaan
Jeene ke liye hai bas itna hi hai zaroori
Tum se mila tha ek din kuchh pal
Ek dua maangi thi maine bhi rab se
Jab se hai paaya hai tujhko maine
Laga jaise ki jung ho gaya hai sab se
No comments:
Post a Comment