Kuchh le-de ke

Kuchh le-de ke
A Keyrun Rao original

Aadhi toh kat gayi ye zindagi
Lagta hai abhi shuru hui hai
Kuchh muskaanein, thode aansoo
Pata nahin kitni umr bachi hai

Kuchh le-de ke kaat li abhi tak

Zindagi ne bahut pyaar diya

Gehre dost, gehri mohabbat

Jaane iske badle mein kya liya

Duaon se din shuru hota hai

Har pal jaadoo sa lagta hai

Khwaab sa chal raha hai sab

Kabhi thoda darr bhi lagta hai

Kuchh le-de ke kaat li abhi tak

Zindagi ne nazmein-daastaan diye

Jannat ke kuchh tukde mil gaye

Utna hi bas hai aaj mere liye

Aadhi toh kat gayi ye zindagi
Lagta hai abhi shuru hui hai

Pyaar aur izzat aur chaahiye 

Dil ki daulat aaj mili bahut hai