Sshhhh...

A Keyrun Rao Original

Sshhh...

Ab so jaane do mujhko,
Aur shor na karo
Khud apne andar jhaanko,
Aur der na karo

Waqt thoda tha, jaldi nikal gaya,
Safar mera tha, aarzoo bhi meri
Socha hoga mere liye tumne kuchh
Par shayad yehi dastaan thi meri

Shor se duur, taaron ke beech,
Apna kona dhoondh raha tha main
Mil gaya ab ek baadal ka kinaara,
Tum sab ko dekh raha hoon main

Gehri neend aa rahi hai mujhko,
Tum bas aur shor na karo.
Tumhaare andar ab bhi hoon,
Bas thoda sabr toh karo...

Sshhh...

Ab so jaane do mujhko,
Aur shor na karo