Tuesday, September 6, 2016

Ek khwaab samjha tha

Ek khwaab samjha tha
A Keyrun Rao original















Khwaab se jaaga hoon main umron baad
Galti se jisey pyaar samjha tha maine
Dil mera chheel ke gayi hai kuchh aise woh
Jisey maine apna yaar samjha tha kabhi
Na jaane ab kahaan kho gayi hai woh

Aaj toh roney do bahut der tak mujhe 
Aansoo toh ruk bhi nahin rahey hain mere
Meri saansein baaqi hain ab tak jaane kyon
Kuchh sunaayi bhi de raha hai tujhe?
Itne sawaal hain mere, koi toh jawaab do

Veeraan se din hain mere, andheri si raatein,
Abhi khatm nahin hui hain hamari baatein,
Ruk jaao meri palkon mein bas ek raat aur
Aao hum kucch karein thodi si aur mulaakaatein

Bas ek khwaab sa samjha tha tujhe,
Ab thodi si neend ko hum ab roz taraste hain,
Kahin nahin hai tere jaisa koi khwaab mein mera 
Teri yaadon ke bina, mere naina ab baraste hain 

Khwaab se jaaga hoon main umron baad
Tujhse milne ko meri rooh kyon tarasti hai,
Tere jaane ke baad bhi mujh mein qaid hai tu
Teri muskaan ab bhi meri saanson mein basti hai.

Ek khwaab sa samjha tha tujhe, jaane kyon?
Tujh se bada mera koi sach bhi to hai nahin
Ek muskaan mujhe de ja kuchch der ke liye
Us se bada bhi mera koi aaj sach hai hi nahin 

Original song here:




No comments:

Post a Comment