Happy Birthday, Rani!
Tera haath chhookar
rooh ko panaah mil gayi
Teri hatheli mein mujhe
Meri khoyi kismet mil gayi
Teri khushbu odh kar chalta hoon
Tujh mein bheegta aur jalta hoon
Jaane kya ho gaya hai ye mujhko
Bas tujh mein hi dooba rehta hoon
Teri hansi sunn kar
Meri dhadkan muskaa gayi
Tere honton pe maano jaise
Mere liye pyaari dua aa gayi
Sota raha main itne saalon tak
Kaash yeh neend pehle tooti hoti
Khwaabon ko apne jee leta saare
Tujh si hi haseen yeh zindagi hoti
Jee karta hai tera haath pakadkar
Chalta rahoon saahilon par yun hi
Raat hone mein toh abhi waqt hai
Gungunaate rahein kuchh yun hi
Mein Shaayar toh nahin .... you get the drift ;-)
ReplyDeleteI sure do :)
ReplyDelete