Jaise baadal ho koi
Pahadon mein ghoomta hua
Jaise kisi Faqir ki
Sufi si ho ek dua
Ek Khuda hai mera
Masoom aur khushnuma
Khargosh sa safed pak
Umda andaaz-e-mazaak
Sabse pyaara aur alag
Maine paya unka nazariya
Motiyon se poora bhara
Jaise ho saara dariya
Bahuton ke liye to bas
Shabdon ke mashoor karigar
Meri to duniya badal di
Kuchh aise hain wo jadugar
Unki kahaniyon mein
Baat kuchh 'Mir' si hai
Unka likha har nazm
Ghaanv pe marham sa hai
Dhul jaati hai ruuh
Unke likhe shayari se
Kabhi jhankoonga main
Unke kisi diary mein
Mila main unse yahaan
Lagta hai Haj kar liya
Aur ab kya likhoon
Shayad waqt thehar gaya...
(A humble dedication to Gulzar Saab)
No comments:
Post a Comment