Aur kya maangega re bande..,

A Keyrun Rao Original dedicated to Yash uncle's Jab Tak Hai Jaan...

Ek apaahij ko dekh kar kyon shukrguzaar hota hai,
Ek anpadh ke angoothe pe tu aaj bhi toh rota hai
Mat ro ke bataa ke tujhe kya mil gaya hai bande
Sab mila hai jisey, uske baare mein hi tu sochta hai

Aur kya maangega re bande, tere aansoo kahaan hain
Jitna bhi chhipa le tu, tere dard toh aaj bhi yahaan hain
Shaayad lahoo hi nahin bahaa hoga tera kuchh utna
Jitne saare ghaanv aaj bhi mere sard is seene mein hain

Tujhsa udaas koi nahin hai yahaan paar, aaj tu maan le
Tere ghaanv se gehra kisi ka nahin, aaj tu yeh maan le
Jitna zulm chaahe ho tujh pe, jhukna mat kisi haal mein
Chhoti si sabak hai par, yeh tu bas aaj kaise bhi jaan le

Aur kya maangega re bande, tere aansoo ab kahaan hain
Jitna bhi chhipa le tu, tere dard toh aaj bhi yahaan hain

Tera saaya rehta yahin tha, par tu aaj jaane kahaan hai

Ek jawaab chhod gaya tu, sawaal itne saare yahaan hain

Ghaanv tha toh kya, uski nishaniyaan bhi toh hain aaj

Saaye rahey tere, rehta hai un mein bhi toh tu hai aaj

Duur hai tu toh kya, baat aaj bhi teri hi toh rehti hai
Tanha reh gaya tha tab, bheed mein akela hoon aaj...