Bachpan yaad aa gaya...

A Keyrun Rao Original dedicated to Anurag Basu's 'Barfi!'

Bade pyaar se din guzarte, jab chhote they
Sab hi kuchh toh achcha sa hi lagta tha
Na koi bade sapne, na kisi anjaan se darr
Bas yun hi lamhon mein behte rehte they

Aaj phir laga wo pal saare dobara jee lein
Us maasoomiyat mein hum phir ab tair lein
Shaayad ho nahin paayega woh phir humse
Dil to bahut kuchh kehta hai, uski kaun sune

Daud toh rehti thi, par ghar pahunch ne ki nahin
Maloom kuchh na tha, kya aasmaan ya zameen
Taare takhte rahe jab tak woh chhoti raatein rahi,
Ghul gaye hain usi khamosh raat mein hum kahin

Bachpan bhi yaad aa gaya, rooh phir se dhul gayi
Paise toh kama liye, par woh muskaan chali gayi
Ek baar phir waise muskaane ko yeh dil karta hai
Par woh mausam chala gaya, woh shab dhal gayi

Kya phir kabhi waise dekhoonga main yeh jahaan
Tang ho chala hai taaron se bhara mera aasmaan
Ek baadal aaj main phir se odhna chaahta hoon
Woh bachpan mera kya jaane chhupa hai kahaan

Chala deb goli...

A Keyrun Rao original dedicated to the gangsters of Wasseypur... 

Chala deb re goli, koi kuchh na boli
Tum khelte rahe hoge kahin rangon se
Humaare yahaan to bas chalti hai
Dushman ke khoon se laal-laal Holi

Kyon bardaasht karein tumhari shaqal
Jab goliyaan hain saari mushkilon ka hal
Duur hi rahiyo humse, oh pyaare babua
Tumhaare jeevan ka suraj jaayega dhal

Badle ki aag mein jal kar koyla ho gaye
Saare apne toh ab maut ki neend so gaye
Kadam peechhe hata lete abbu humaare
Ek khooni fasal aur peechhe chhod gaye

Andhera sa hi reh gaya hai ab har taraf
Jald hi pighal gaya gusse ka bada baraf
Jeene se pehle maare gaye hum saare
Itni jaldi kaise beet gaye itne saare baras

Viraasat mein mili badle ki aisi yeh aag
Das gaya hum ko dushmani ka ye naag
Sanima mein jo dekhe pyaare sapne
Lag gaya sab pe ek ganda khoon daag

Sab kar sakte hain...

A Keyrun Rao original, inspired by my idol and some life experiences...

Had to make you smile, thought about it for a while,
Hate to see you cry, my brain was almost fried
Know that you think of me, but I've a different style
Used to dream of you, but they have almost dried

Sab kar sakte hain, tell me how to make you smile?
Saansein hain teri, can you just stop it for a little while?
Far as we may be, will you try walking another mile?
Aaj lagti hai jaane kyon mujhe, bandh hai apni yeh file

Just wished to give you joy, now seems difficult oh boy
You may say that I am still so bloody hopelessly coy
I might have said it, or waited till you clearly knew it
The ship of love as you & me know it, has set sail ahoy!

Sab kar sakte hain, tell me how to make it last a mile?
Sab kuchh hai, what have we been doing all this while?
A story you didn't know, a feeling you didn't really show
Aaj lagti hai jaane kyon mujhe, bandh hai apni yeh file!

I just thought that you would really like some sunshine
The stray emotions might somehow fall in a straight line
Not sure about the rest of a bloody lifetime, oh my dear
Tell me, just how about a warm & cozy l'il wine and dine


Sab kar sakte hain, tell me how do we make it last long?
Sab kuchh hai, we need something to make it really strong.
There is love and there are a hell lot of blessings for sure
When will we together sing that oh so amazingly cute song?