Ye tune achcha kiya

A Keyrun Rao original


Bas ek tera bharosa tha
Sirf tujhse hi ummedein thi
Meri taqleefien baant leen
Ye tune bada achcha kiya

Seena taan ke khada ho gaya
Meri zimmedariyon ko kam kiya
Mera naam tune roshan kiya
Ye tune bada achcha kiya

Sab ke bhalaai ki tune sochi
Meri tarah sab pe reham kiya
Meri shaan rahega hamesha tu
Ye tune bada hi achcha kiya

Bas neki ki raah par tu chala
Khuda ka nek banda tu bana
Mere har sehra ka baadal bana
Ye tune bada hi achcha kiya

Ek shiqayat rahegi meri hamesha
Ek din pehle kyun nahin mila?
Kuchh saansein bachi thi meri
Bataa kahaan tha tu ruka hua?

Miloonga jab jannat mein tujhse
Tab bhi yehi sawaal rahega
Mera saaya to tere saath tha
Mujhe kyun tune juda hone diya

Ek dua, ek salaam, tujhpe mera
Rahega hamesha yun baqaaya
Us din bhi mil leta mujhse tu
Yaar ye tune theek nahin kiya