Filhaal faasle hain...

A Keyrun Rao Original

Kuchh lamhon ke saath ke baad
Khamoshi mein doobi aahein hain
Thehar jaate hain do pal aur
Kyonki filhaal to ye faasle hain

Khayalon se tez tujhse yun milne
Dhadkanon mein ghulna chaahte hain
Kitni saari pyaari baatein hum
Aapse kehna sun.na chaahte hain

Rooh mein basi aapki khushboo
Aankhon mein qaid pyaari muskaan
Bas inhi ke to sahaare meri
Beh jaati tanha raatein hain

Filhaal faasle hain, darr bhi hai
Dua ya jaam mein suqoon paate hain
Wapasi ke intezaar mein bojhal
Aaj mere saare khayalaatein hain

Duuri to hai, nazdeek phir bhi hain
Kareeb jald aane ke ye iraade hain
Chot bahut dete hain ye kambakht
Darmiyaan jo ye filhaal faasle hain...